Plantun de Prouvènço

Pèr coumpara dos planto d'encò nostre

Ranunculus sceleratus & Cannabis sativa

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Canebe

Cannabis sativa

Cannabaceae

Àutri noum : Carbe, Charbe, Charbour.

Noms en français : Cannabis, Chanvre.

Descripcioun :
Lou canebe es aro pu gaire cultiva en Prouvènço (un pau en Vau-cluso). Es uno grando erbo que se recounèis à si fueio paumado. Li flour soun separado, i'a lou canebe masclo e lou canebe femèu.

Usanço :
Se pòu rescountra dos meno de canebe : l'uno pauro en THC (tétrahydrocannabinol) pèr lou teissu (de 0,5 à 5 % naturalamen) e l'autre coume drogo (>10 %), sarien la memo espèci. A passa tèms la proumiero meno èro di proun cultivado. Ramentèn qu'acò dounè li noum de canebiero pèr li relarg ounte se cultivavo, se vendié e se trasfourmavo lou canebe. Se dis "Siéu l'aucèu de la canebiero, cregne pas lou brut", Prouvèrbi TdF.

Port : Grando erbo
Taio : 1 à 2 m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Cannabis
Famiho : Cannabaceae

Ordre : Rosales

Coulour de la flour : Verdo
Petalo : ges
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à juliet

Liò : Champ
Estànci : Mesoumediterran à Mountagnard
Couroulougi : Asìo-Cèntre
Ref. sc. : Cannabis sativa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ranunculus sceleratus & Cannabis sativa

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Canebe emé uno autro planto